ప్రజాభిప్రాయ నిర్మాణంలో, సేకరణలో పాత్రికేయుల పాత్ర కీలకం – శ్రీ రాంపల్లి మల్లికార్జున్

Posted Posted in Narada Jayanti, Press release

నేటి ప్రపంచంలో పత్రికల్ స్థానం చాల గొప్పది. ప్రజాభిప్రాయ నిర్మాణంలో, ప్రజాభిప్రాయ సేకరణలో కీలక పాత్ర సమాచార రంగానిదే నని సమాజ సంక్షేమ కోసం ఆనాడే ఒక చక్కటి సమాచార వ్యవస్తను నిర్మాణం చేసిన మహానుభావులు ప్రపంచ మొదటి పాత్రికేయుడు నారదుడు అని, శ్రీ రాంపల్లి మల్లికార్జున్ రావు, లోకహితం మాస పత్రిక మాజీ ఎడిటర్, పేర్కొన్నారు.

మల్లికార్జున్ గారి 2 మే నాడు కరీంనగర్ లోని స్థానిక ఫిలిం భవన్ లో జరిగిన విశ్వ సంవాద్ కేంద్ర , సమాచార భారతి ఆధ్యర్యంలో నిర్వహించిన నారద జయంతి సంద్భార్బంగా  ప్రధాన వక్త గా లోకకల్యాణం గురుంచి నారదుడు వివిధ సందర్బాలలో ఏ ఏ విధంగా సమస్యలను పరిష్కరించారో వివరించారు.

ఆనాడు స్వాతంత్ర్య ఉద్యమంలో విదేశీ పత్రికలూ దారుణమైన బానిస భావజాలాన్ని వ్యాప్తి చేసాయని, అయితే మనదైన భావజాలం లో స్వదేశీ పత్రికలు ప్రారంభించి దేశ పౌరులలో స్వాతంత్ర్య కాంక్ష్య ను రగిలించి స్వతంత్ర సముపార్జనకు ప్రధాన భూమిక మన దేశీయ పత్రికలి పోషించాయని తెలిపారు. ఈనాడు పత్రికలూ విదేశీ భావ జాలపు మోహంలో కొట్టుకొని పోతున్నాయని అది భవిషత్తు కు మంచిది కాదని వివరిస్తూ, ఈ దేశ ధార్మిక, సాంస్కృతిక, సామజిక విలువలతో కూడిన పాత్రికేయ విలువలను పెంపొందింప చేసుకొని ముందుకు పోవాలని దేశ భక్తీ నిర్మాణంలో పత్రిక రంగం కీలక పాత్ర పోషిస్తుందని, పాత్రికేయులు ఆ దిశగా కృషి చేయాలని కోరారు.

సభాధ్యక్షులు గా పాల్గొన్న డా గండ్ర లక్ష్మణ్ రావు మాట్లాడుతూ నారదుడు ఆనాటి గొప్ప పాత్రికేయుడు అని, వారి పాత్రికేయత్వం సమాజ సంక్షేమం కోసం, దుష్ట శిక్షణ, శిష్ట రక్షణ కోసం వినియోగించబడిందని నేటి పత్రికలూ  నారదుడుని స్పూర్తిగా తీసుకొని సమాజ హితమే లక్ష్యంగా పని చేయాలనీ పిలుపునిచ్చారు.

ఆత్మీయ అతిధి గా పాల్గొన్న శ్రీ బూర్ల దక్షిణ మూర్తి గారు మాట్లాడుతూ ఒక పత్రిక వేల సైన్యం తో సమానమని అందువలన పత్రిక పూర్తి సమాచారం లో సమ్యక్ దిశలో నడువాల్సిన అవసరం ఉందని వార్తలు రాయడంలో నిజాయితితో వ్యవహరించాల్సిన అవసరం ఉందని గుర్తు చేసారు.

గౌరవ అతిధి టి యు డబ్ల్యు జే అధ్యక్షులు శ్రీ తాడూరి కరుణాకర్ గారు మాట్లాడుతూ పాత్రికేయ వృత్తి అనేది కత్తి మీద సాము లాంటిదిని విలేఖరులు నిత్య సంరక్షనతో నిజాయితిగా వార్తలను అందిస్తూ సమాజ జగరణలో పాలు పంచుకుంటున్నారని , పత్రికలూ ఎవరికీ వత్తాసు పలకకుండా కేవలం వాస్తవాలను మాత్రమే ప్రసారం చేస్తాయని, ఇలాంటి విషయాలో నారదుడు ఉత్తమ పాత్రికేయుడని  కొనియాడారు.

టి యు డబ్ల్యు జే కార్యదర్శి శ్రీ శ్రీనివాస్ గారు మాట్లాడుతూ సమ సమాజ నిర్మాణంలో పత్రికల పాత్ర ఎనలేనిదని  నేడు పత్రికలు అత్యంత ప్రభావశీలమైనదని వారు పేర్కొన్నారు .

ఈ కార్యక్రమంలో జర్నలిస్టులు శ్రీ పింగిలి వెంకట రమణ రెడ్డి, శ్రీ ఎలగందుల సత్యనరయన్, శ్రీ గాజుల రవీందర్, శ్రీ కొట్టే మురళి కృష్ణ, కుమ్మరి కుంట సుధాకర్, బొంతుల కల్యంచంద్ర, కట్టి శ్రీకాంత్, మల్లోజుల కిషణ్ జి, గార్ల సంపహ్ట్ , గుండు రమేష్, నవీన్, సంజీవ్ రెడ్డి, కుంటు మల్లేష్, తోట రాజేందర్ తో పాటు వివిధ పత్రికల పాత్రికేయులు, సాహితీవేత్తలు పాల్గొన్నారు.

నారదుడు ఏది చేసిన లోక కళ్యాణం కోసమే…

Posted Posted in News
మే 28వ తేది నాడు సమాచార భారతి ఆధ్వర్యం లో  నారద జయంతి ని  పాత్రికేయ దినోత్సవంగా నిర్వహించింది. నారాయణగూడలోని కేశవ మెమోరియల్ హై స్కూల్‌ లో నిర్వహించబడిన ఈ నారద  జయంతి కార్యక్రమానికి శ్రీ మండలి బుద్ధదేవ్‌ప్రసాద్ (ఏపి అసెంబ్లీ -సభాపతి) ముఖ్య అతిథిగా, శ్రీ కిస్మత్ కుమార్‌గారు ఆత్మీయ అతిథిగా పాల్గొన్నారు.  శ్రీ నర్సింహమూర్తిగారు (సమాచార భారతి -అద్యక్షులు) ఈ సభకు అద్యక్షత వహించారు. సభ ప్రారంభం లో అంబేద్కర్ జాతీయ దృక్పథం అనే అంశం పై చర్చా కార్యక్రమం జరిగింది. దీన్ని శ్రీ మురళీగారు (ఎక్స్‌ప్రెస్ టీవీ) ప్రారంభించగా, శ్రీ విజయ సారథి గారు (జాగృతి మాజీ సంపాదకఁలు) ముగింపు వాక్యం పలికారు. నారద జయంతి సందర్భంగా నలుగురు పాత్రికేయులను సన్మానించటం జరిగింది. ఈ సన్మాన కార్యక్రమాన్ని శ్రీ క్రాంతిదేవ్ మిత్ర (టివి9) నిర్వహించారు. ఇందులో  130 మంది జర్నలిస్టులు మరియు 30 మంది ఇతర ప్రముఖులు పాల్గొన్నారు.

Narada jayanthi, Hyderabad

కార్యక్రమ వివరాలు:
 
ప్రతి సంవత్సరం వైశాఖ బహుళ ద్వితియ నాడు నారద జయంతి కార్యక్రమం దేశ వ్యాప్తంగా జరుగుతుంటుంది. గడిచిన దశాబ్దానికి పైగా భాగ్యనగర్‌లో సమాచార భారతి ఈ దీన్ని నిర్వహిస్తూ పత్రికా రంగానికి సంబంధించిన కొద్ది మంది జర్నలిస్టులను సన్మానించటం కూడా చేస్తుంటుంది.
ఈ 2016 సంవత్సరం కార్యక్రమానికి  శ్రీ మండలి బుద్ధదేవ్‌ప్రసాద్ (ఏపి అసెంబ్లీ – సభాపతి) ముఖ్య అతిథిగా మాట్లాడుతూ నారదుడు ప్రపంచ పాత్రికేయులకు ఆదర్శప్రాయుడు అని అన్నారు. నారదుడు అనగానే తగాదాలు  సృష్టించేవాడనే  అభిప్రాయం కలుగుతుంటుంది. అయితే నారదుడు ఏది చేసిన లోక కళ్యాణం కోసమే చేసారు.  ఎక్కడ చెడు ఉంటె దాన్ని రూపుమాపేందుకే  కంకణం కట్టుకొని పనిచేసి లోక కల్యాణం కోసం కృషి చేశారు. నారదుడుని  నారద మహర్షి అని, విజ్ఞణ గని అని ప్రస్తుతించారు. నారదుడికి అన్ని రంగాల్లోనూ ప్రవేశం ఉండేది అని చెప్పారు. ఇప్పుడు అన్ని వ్యవస్థలు  విలువలు కోల్పోతున్నాయి అని వారు ఆందోళన వ్యక్తం చేశారు. ముఖ్యంగా పత్రికా వ్యవస్థ  విలువలు కోల్పోరాదు  అని గుర్తు చేస్తూ,  ఒకవేళ కోల్పోతే సమాజానికి మంచి-చెడు పై విశ్లేషణ అందించేందుకు  ఆస్కారం లేకుండా పోతుంది అని ఆయన తెలిపారు. శాసన, న్యాయవ్యవస్థ  దారిలో  పెట్టేది పత్రికా రంగమే అని, పాత్రికేయులు ఎక్కడా రాజీ పడకుండా సమాజానికి దిశానిర్దేశం  చేయావల్సింది అని ఆయన కోరారు. పాత్రికేయులు మానవాళి శ్రేయస్సును దృష్టిలో పెట్టుకొని పత్రికా రంగం విలువలు పెంచేందుకు  కృషిచేయాలని  చెప్పారు.
DSCN3703
ఈ కార్యక్రమం లో నలుగురు పాత్రికేయులను సన్మానించటం జరిగింది. 1) శ్రీ. కె. రాకా సుధఃకర్, సాక్షి వెబ్ ఎడిటర్ 2) శ్రీమతి. సుప్రశాంతి దేవి (రేడియో న్యూస్ ఎడిటర్) 3) శ్రీ. ఎర్రం నర్సింగరావు (ఈనాడు రిపోర్టర్) 4) శ్రీ. సతీష్‌ కుమార్ (సాక్షి ఛానెల్). వీరందరిని బుద్ధదేవ్‌ ప్రసాద్ , కిస్మత్ కుమార్ గారు తదితరులు సన్మానించారు . జాగృతి పూర్వ సంపాదకులు శ్రీ భండారు సదాశివ రావు గారి పేరు మీద ఉన్న భండారు సదా శివరావు స్మారక పురస్కారం శ్రీ. కె. రాకా సుధాకర్ గారికి, శ్రీమతి సుప్రశాంతి దేవి గారికి ఇవ్వటం జరిగింది. శ్రీ వడ్లమూడి రాంమోహన్‌రావుగారి స్మారక పురస్కారం, శ్రీ. నర్సింగరావు గారికి, శ్రీ సతీష్ కుమార్‌ గారికి ఇవ్వటం జరిగింది. సన్మానంతరం సన్మాన గ్రహితలు తమ స్పందనను తెలియజేశారు.
DSCN3681
DSCN3695
ఈ సందర్భంగా రాకా సుధాకర్‌గారు మాట్లాడుతూ, ఈ సన్మానం నాకు  తల్లి తన కుమారుడుకి పెట్టిన ముద్దు లాంటిది. నేను చాలా అదృష్టవంతుడిని, ఎందుకంటే సైద్ధాంతిక సంఘర్షణలో కమ్యునిజం  అంతం అయిన తరువాత, 1992వ సంవత్సరంలో హిందుత్వ భావం జాగృతమవుతున్న సమయంలో నేను పత్రికా రంగంలోకి ప్రవేశించాను. తర్వాత టెక్నాలజీ మారిపోయిన సమయంలో నేను పని చేసుకుంటూ  పోతున్నాను. ఇదంతా కాలం వల్ల వచ్చిన మార్పు. అందరికీ ఆదర్శ జర్నలిస్ట్ కేశవ బలిరాం హెడ్గేవార్. వారు హిందురాష్ట్ర అనే పత్రికను నడిపించారు. పత్రిక నడుపడంలో వారికి అనుభవాలతో పాటు, దాన్ని నడుపడంలో ఉండే సాధక బాధకాలు కూడా వారికి బాగా తెలుసు. అటువంటి కేశవ బలిరాం పంత్‌ హెడ్గేవార్‌ గారు ప్రారంభించిన రాష్ట్రీయ స్వయం సేవక సంఘంలో నేను స్వయం సేవకుడిగా చేరడం నాకు ఎంతో గర్వకారణం. నేను చేస్తున పనిలో సక్రమంగా ముందుకు  పోయేందుకు ఒక ప్రేరణగా ఈ సన్మానాన్ని నేను ఎల్లప్పుడూ గుర్తు పెట్టుకుంటాను అని వివరించారు. 
DSCN3687
శ్రీమతి సుప్రశాంతి దేవిగారు మాట్లాడుతూ పాత్రికేయురాలిగా తనకు  డిఫెన్స్ కు సంబంధించిన  పత్రిక జీవితంలో ఎంతో మలుపుతిప్పింది అన్నారు. ఆ తదుపరి రేడియో స్టేషన్లో చేరిన తరువాత అనేక స్ఫూర్తి దాయకమైన అనుభవాలు నాకు ఎన్నో  తగిలాయి. ప్రదాన మంత్రితో ప్రయాణించి ప్రపంచంలో మిగతా దేశాలలో జరిగిన కారఁక్రమాల రిపోర్టింగ్ కూడా చేశాను. విలువలను ప్రధానంగా ప్రసారం చేయటంలో నా వంతు కృషి నేను ఎప్పుడూ చేస్తూనే ఉంటాను అని చెప్పారు.
శ్రీ నర్సింగ్‌రావుగారు మాట్లాడుతూ పాత్రికేయరంగంలో తన అనుభవాలను వివరించారు. ఈనాటి పరిస్థితుల్లో మంచి పాత్రికేయుడిగా బలపడాలంటే కలంతో పాటు గళం కూడా ఉండాలి అని అన్నారు. సమాజంలో ఒక మార్పుకోసం మనం కూడా ఎంతో కృషిచేయవచ్చు అంటూ వారు నివసించే ప్రాంతం కవాడిగూడ కు  సంబంధించిన ఒక ఉదాహరణను తెలియ చేసారు . కవాడిగూడలో ఉన్న ప్రభుత్వ పాఠశాల గురుంచి ఎవరయినా  ఎక్కడ  అని అడిగితే తెలీదు అనేవారు, మరీ మరీ అడిగితే అరే “చెత్త కుండి స్కూలా ” అని అనేవారు. స్కూలును చెత్తకుండి స్కూలుగా పిలవబడటం నాకెంతో బాధ కలిగించింది. ఆ చెత్త కుండి అక్కడి నుండి తీసేసి ఆ స్కూలుకు  ఆ పేరు లేకుండా  చేయాలి అని సంకల్పించుకొని ఆ ఏరియాకు  సంబంధించిన పోలీస్ అధికారితో మాట్లాడి వారి సహకారంతో స్థానికులు, స్థానిక రాజకీయ నాయకుల  సహకారంతో కొన్ని రోజులపాటు కృషిచేసి ఆ చెత్త కుండిని అక్కడి నుంచి తొలగించాం. కాబట్టి పాత్రికేయుడికి కళంతో పాటు గళం ఉంటె సామాజిక అవసరాలను కూడా తీర్చేందుకు పని చేయవచ్చు. అట్లా చేస్తూ ఒక ఆదర్శ పాత్రికేయుడిగా మనం నిలబడాలి. నేను అట్లా నిలబడేందుకు  ఈ సన్మానం నాకొక ప్రేరణగా నేను భావిస్తున్నాను అని  చెప్పారు.
శ్రీ సతీష్ కుమార్‌ గారు మాట్లాడుతూ ఒక మంచి పాత్రికేయుడిగా నిలబడేందుకు  అనేక మందితో -మంది తో సంభంధాలు ఉపయోగపడుతూ  ఉంటాయి. నాకు  ఈ సన్మానం ఒక మంచి పాత్రికేయుడిగా నిలబడేందుకు ఒక ప్రేరణగా దీన్ని నేను భావిస్తున్నాను. 
ముఖ్య అతిథిగా పాల్గొనవల్సిన స్వామిగౌడ్‌ (కౌన్సిల్) గారు  రాలేకపోయినందుకు తన అసక్తతను వ్యక్తం చేస్తూ వారు ఒక సందేశం ఈ  పంపించారు. సందేశం సంక్షిప్తంగా..”లోక కల్యాణం కోసం నారద మహర్షి చేసిన గొప్ప కార్యక్రమాల  గురించి తన సందేశంలో వివరించారు.
ఈ కారఁక్రమం చివర్లో వందన సమర్పణ శ్రీమతి దేవిక చేశారు. శ్రీ నీలేష్ పాడిన జాతీయగీతం జనగణమనతో కార్యక్రమం ముగిసింది. ఇంకా ఈ కార్యక్రమం లో  సమాచారా భారతి ఉపాధ్యక్షుడు  బి. నర్సింహమూర్తి, కిస్మత్‌ కుమార్, విజయ సారథి తదితరులు పాల్గొన్నారు. 
IMG_20160528_114822