Bhavishya Bharat Book Release

Posted Posted in Gallery, Photos

పుస్తక ఆవిష్కరణ – ‘భవిష్య భారతం’

Posted Posted in Press release, Seminar


స్వాతంత్య్రం వచ్చిన తరువాత దేశ పునర్నిర్మాణ కార్యం నిరంతరంగా సాగాలని మహనీయులు అందరూ ఆకాంక్షించారని అని రాష్ట్రీయ్ స్వయంసేవక్ సంఘ్ సహ సర్ కార్యవాహ శ్రీ వి. భాగయ్య అన్నారు. ఈ సుదీర్ఘ యాత్ర నిరాటంకంగా ఎలాంటి లోటుపాట్లూ లేకుండా సాగాలని కోరుకున్నారు. ఇదే విషయాన్ని పరమపూజనీయ సర సంఘచాలక్ ‘భవిష్య భారతం’ ఉపన్యాసాల ద్వారా మరోసారి గుర్తుచేసారని అన్నారు. సమాజ కార్యం అందరి బాధ్యత అని గుర్తుచేయడమే కాక నిస్వార్థంగా ఆ కార్యాన్ని నెరవేర్చే వ్యక్తులను తీర్చిదిద్దడమే ఆరెస్సెస్ చేస్తున్న పని అని భాగయ్య తెలిపారు. దేశ ప్రగతికి ఆధారం సమాజము, ప్రజలే కానీ రాజకీయ శక్తి మాత్రమే కాదని ఆయన గుర్తుచేశారు.
సమాచారభారతి మరియు విజ్డం సంస్థల ఆధ్య్వర్యంలో ఫిబ్రవరి 23న హైదరాబాద్ జవహర్ లాల్ నెహ్రూ టెక్నలాజికల్ యూనివర్సిటీ ఆడిటోరియంలో జరిగిన ‘భవిష్య భారత్’ మరియు ‘ది సంఘ్ & స్వరాజ్’ పుస్తకాల ఆవిష్కరణ సభలో శ్రీ భాగయ్య ప్రసంగించారు.

కార్యక్రమానికి ముఖ్య అతిధిగా విచ్చేసిన ప్రముఖ సినీ గేయ రచయిత, పద్మశ్రీ పురష్కార గ్రహీత శ్రీ ‘సిరివెన్నెల’ సీతారామశాస్త్రి మాట్లాడుతూ, జాతీయత, సంస్కృతి గురించి కనీస అవగాహన కోల్పోయిన మనం మనదంటూ ఏదీ లేదనే భ్రమలో మునిగిపోయామని, అర్ధశతాబ్దపు అజ్ఞానాన్నే స్వాతంత్ర్యమని భావిస్తున్నామని అన్నారు. ఈ భ్రమల నుండి బయటపడినప్పుడే నిజమైన ప్రగతి సాధ్యపడుతుందని సీతారామ శాస్త్రి తెలిపారు.
కార్యక్రమంలో తొలుత మాట్లాడిన సమాచార భారతి అధ్యక్షులు, యూనివెర్సిటీ గ్రాంట్స్ కమిషన్ సభ్యులు డాక్టర్ శ్రీ గోపాలరెడ్డి, నేడు విద్యావిధానం ఏ విధంగా తప్పుదోవ పడుతోందన్న విషయాలను సోదాహరణంగా వివరించారు. భారతదేశ స్వతంత్రంలో ప్రముఖపాత్ర పోషించిన వందేమాతరం ఉద్యమం యొక్క ప్రస్తావన కూడా పశ్చిమ బెంగాల్ పాఠ్యాంశాలలో కనిపించదని, అసలు బెంగాల్ రాష్ట్రంలో పుట్టిన వందేమాతర గేయ రచయిత బంకించంద్ర చట్టర్జీ గురించి కూడా అక్కడి విద్యార్థులకు తెలియదని అన్నారు.
ఇటీవల ఢిల్లీలో ‘భవిష్య భారత్’ పేరిట 3 రోజుల పాటు నిర్వహించిన కార్యక్రమంలో ఆరెస్సెస్ సర్ సంఘచాలక్ డా. శ్రీ మోహన్ జీ భాగవత్ వెల్లడించిన పలు అంశాలను పుస్తకం మరియు సీడీల రూపంలో సంకలనం చేసి విడుదల చేశారు. అదే విధంగా ప్రముఖ రచయిత శ్రీ రతన్ శారదా రచించిన ‘సంఘ్ & స్వరాజ్’ పుస్తకాన్ని కార్యక్రమంలో ఆవిష్కరించారు. ఈ రెండు పుస్తకాలను భాగయ్య మరియు సీతారామ శాస్త్రి ఆవిష్కరించారు.

‘ది సంఘ్ & స్వరాజ్’ పుస్తక రచయిత శ్రీ రతన్ శార్దా మాట్లాడుతూ స్వాతంత్ర్య ఉద్యమంలో ఆరెస్సెస్ పాత్ర పట్ల అనేక సందేహాలు వ్యాప్తి చేసిన కమ్యూనిస్టులు నిజానికి స్వతంత్రోద్యమానికి చేసిందేమీ లేదని అన్నారు. సంఘ స్థాపకులు డాక్టర్జీతో సహా వేలాది స్వయంసేవకులు స్వాతంత్ర్య పోరాటంలో పాల్గొన్నారని, ఆ వివరాలన్నీ తన పుస్తకంలో పొందుపరిచినట్టు తెలిపారు.
కార్యక్రమంలో విద్యావేత్తలు, సామజిక కార్యకర్తలతో పాటు అనేక మంది పురప్రముఖులు పాల్గొన్నారు.

Book Release-‘Bhavishya Bharatam’

Posted Posted in Press release, Seminar

Social awakening is the life force which would reinvigorate the country when it is embedded with cultural values that we have inherited from our ancestors. When we work in this manner, we can realize the future Bharat, and our nation then will become the guiding force and Vishwa guru for the universe and will result in heralding peace in our current times, said Sri Bhagayya, Sah Sarkaryavaha of Rashtriya Swayamsevak Sangh.

Sri Bhagayya ji was speaking at Bhagyanagar during the book launch “Bhavishya Bharatam” in Telugu event jointly organised by Samachara Bharati and WISDOM-JNTU on Saturday, 23 February 2019 at JNTU auditorium, Hyderabad.  “Bhavishya Bharatam” is a compilation of the lecture series of Shri Dr Mohan ji Bhagawat, organized in September 2018 in Delhi. It is a compendium of ideas, thoughts and values of Sangh and which are articulated and also implemented by Sangh.

Sri Ratan Sharda, author and TV panelist, said The Sangh & Swaraj is a compilation of events during our freedom struggle, and especially on the role of sangh.  This book is a by-product of RSS 360 which was published last year, and has been brought out to counter the deliberate distortions of history and misinformation being propagated by communists and so-called marxist historians. He also pointed out that RSS work is rooted in Bharatiya culture in an intrinsic organic way whereas Communists borrowed their ideologies from West, though both organizations started in 1925, they went on divergent trajectories.

Sri Sirivennalla Seetharama Shastry, famous poet & lyricist and Padma Shree awardee, said we should strengthen our family system which is our core strength, that is undergoing a period of conflict and difficulties in today’s times.

Sri Gopal Reddy, President of Samachara Bharati presided over this book launch event. Sri Dakshinamoorty, RSS pranth Sanghachalak, and several other dignitaries and civil society organizations from various walks of life participated in the event.

వాసుదేవ్ బాల్వాంట్ ఫడ్కే

Posted Posted in Inspiration

వాసుదేవ బలవంత్ ఫడ్కే( 4 నవంబర్ 1845 -17 ఫిబ్రవరి 1883) స్వతంత్ర యోధుడు. ఆయన వ్యవసాయ కుటుంబానికి చెందిన వాడు. వీరి కుటుంబం అత్యంత దురవస్థ అనుభవిస్తూ ఉండేది. స్వరాజ్య సాధనే పరిస్థితులు మెరుగు పరుచుకుందుకు మార్గమని ఫడ్కే తలచారు.

 

1876 -77 సంవత్సరంలో మహారాష్ట్రలో అత్యంత భయంకరమైన కరువు తాండవించింది. వేలకొలది ప్రజలు ఆకలితో అలమటిస్తూ మరణించారు. మరోపక్క ఆ పంటను చేజిక్కించుకున్న తెల్లదొరలు, మరణాలను ఏమాత్రం పట్టించుకోలేదు. ఇది వాసుదేవ్ బలవంత్ ఫడ్కే భరించలేకపోయారు. అతని మనసు కుతకుత లాడింది. మహారాష్ట్రలోని కోలీలు ,భీల్ లు, ధంగారులు తెగల  వారిని కూడగట్టుకొని ఒక తిరుగుబాటు సేనను తయారుచేసి దానికి ” రామొషి” అని పేరు పెట్టారు. వారంతా ఏకమై బ్రిటిష్ పరిపాలన అంతం చేయడానికి సాయుధ పోరాటాన్ని సాగించారు. మొట్ట మొదట వీరు ధనవంతులైన  బ్రిటిష్ వ్యాపారవేత్తల పై దాడులకు పూనుకున్నారు. ఇలా సాయుధపోరాటానికి అవసరమైన ధనం సంపాదించడానికి ప్రయత్నించారు. ఫడ్కే తన డైరీలో “ఈ దేశ ప్రజలందరూ నాలాగా భరతమాత ముద్దుబిడ్డలే. వారంతా అలమటిస్తూంటే, ఏమీ పట్టనట్టుగా జీవించడమనే ఊహే నాకు  భయంకరమైనది. వారికి స్వతంత్రం ఇవ్వడం కోసం, అవసరం అయితే నా జీవితాన్ని త్యాగం చేస్తాను” అని రాసుకున్నారు. ఫడ్కే ఉద్యమ ప్రభావం చూసి బ్రిటిష్ ప్రభుత్వం చాలా ఇరకాటంలో పడింది. ఫడ్కేను పట్టుకునేందుకు వలను పన్నారు. బొంబాయి ప్రభుత్వ గవర్నర్ అయిన సర్ రిచర్డ్ టెంపుల్ ఫడ్కేను చంపిన లేక బంధించిన వారికి 5వేల రూపాయల బహుమతిని ప్రకటించారు. దీనికి జవాబుగా  బొంబాయి గవర్నర్ సర్ రిచర్జ్ టెంపుల్ తలను తెచ్చిన వారికి పదివేల బహుమతి ఇస్తానని మరో ప్రకటన చేశాడు ఫడ్కే. ఫడ్కేను పట్టుకునేందుకు ప్రభుత్వం తన ప్రయత్నాలను వేగవంతం చేసింది . నిజాం ప్రభుత్వం, బ్రిటిష్ ప్రభుత్వం రెండూ ఫడ్కేను  పట్టుకునేందుకు వెంటాడుతూనే ఉన్నాయి. అదే సమయంలో ఫడ్కే నిజాం రాజ్యానికి చేరుకున్నాడు . ఒక రోజు మొత్తం పరిగెడుతూనే ఉండడం వల్ల చాలా అలసిపోయి ఉన్న ఫడ్కేకు జ్వరం కూడా వచ్చింది. హైదరాబాదులోని కలాడిగిన తాలూకాలోని ఒక పల్లెటూరికి చేరారు. విశ్రాంతి కోసం దేవి మందిరంలో పడుకున్నారు. జ్వరంతో సృహతప్పిన స్థితిలో ఉన్నారు. అతనిని వెంటాడుతూ బ్రిటిష్ ఆర్మీ మేజర్ డయనిల్ అక్కడికి చేరుకున్నాడు. తన బలగాలను అక్కడ మోహరించి, ఫడ్కే గుండెలపై తంతూ, మెడ మీద కాలు పెట్టి  ” ఫడ్కే, ఇప్పుడు నీకు ఏం కావాలి” అని అడిగాడు.  “నీతో యుద్ధం చేద్దామనుకుంటున్నాను”అని సమాధానం చెప్పాడు ఫడ్కే. కానీ అందుకు ఒప్పుకోని డానియల్ అతనికి బేడీలు వేసి పూనా తీసుకొని వెళ్ళాడు. ఫడ్కేను అక్కడ నుంచి ఆడిన్ కారాగారానికి తరలించారు.  కానీ ఫడ్కే 13తేది ఫిబ్రవరి 1883 న అక్కడ నుంచి తప్పించుకున్నారు. అయితే ఆ తరువాత అతి కొద్ది కాలంలోనే తిరిగి పట్టుబడ్డారు. అప్పుడు వాసుదేవ్  బలవంత్  ఫడ్కే ఆమరణ నిరాహార దీక్ష చేపట్టారు. ఈ దీక్ష కారణంగా 17 ఫిబ్రవరి 1883 న ఫడ్కే తన తుది శ్వాస విడిచారు.

గ్రామీణాభివృద్ధిని కాంక్షించిన అణుధార్మిక శాస్త్రవేత్త శ్రీ రజ్జూ భయ్యా

Posted Posted in Inspiration

రజ్జూ భయ్యా ( ప్రొ. శ్రీ రాజేంద్ర సింగ్)  రాష్ట్రీయ స్వయంసేవక్ సంఘ్ నాలుగవ సర్ సంఘచాలక్ గా 1994 నుండి 2000 దాకా సేవలు అందించారు.

29 జనవరి 1922 జన్మించిన రజ్జూ భయ్యా అలహాబాద్ విశ్వవిద్యాలయంలోని భౌతికశాస్త్ర విభాగానికి అధిపతిగా పనిచేసారు. అనంతరం 1960 వ దశకంలో ఆ పదవిని త్యజించి తన జీవితాన్నిఆర్ఎస్ఎస్ కార్యానికి అంకితం చేశారు.

రజ్జూ భయ్యా ఎమెస్సీ చదువుతున్నరోజులలో వారికి నోబల్ ప్రైజ్ గ్రహీత సీవీ రామన్ పరీక్ష పర్యవేక్షకునిగా వారి కళాశాలకు వెళ్ళారు. ఆ సమయంలో ఆయన రజ్జూ భయ్యా ప్రతిభాపాటవాలను ఎంతగానో మెచ్చుకున్నారు. వారికి అణుధార్మిక రంగంలో ఉన్నత పరిశోధన కోసం ఫెలోషిప్ కూడా ఇప్పించారు.

భౌతికశాస్త్రంలో పట్టభద్రుడైన తరువాత స్పెక్ట్రోస్కోపిపై పాఠాలు చెప్పడానికి అలహాబాద్ విశ్వవిద్యాలయంలో ప్రొఫెసర్ గా చేరిన రజ్జూ భయ్యా అక్కడ ఎన్నో సంవత్సరాలు పనిచేసిన తరువాత భౌతికశాస్త్ర విభాగానికి అధిపతిగా బాధ్యతలు తీసుకున్నారు. రజ్జూ భయ్యా అణుధార్మిక క్షేత్రంలో కూడా నిష్ణాతునిగా పేరు తెచ్చుకున్నారు. ఆ రోజులలో అంత గొప్ప పేరు సంపాదించుకోగలగడం చాలా అరుదు. తన విభాగంలో ఆయన గొప్ప అధ్యాపకుడిగా ఎంతో పేరు తెచ్చుకున్నారు. ఎంతో క్లిష్టమైన పాఠాలను చాలా సరళంగా చెప్పడం ఆయన ప్రత్యేకత.

ఆరెస్సెస్ తో సహచర్యము:
రజ్జూభయ్యా 1942లో జరిగిన క్విట్ ఇండియా ఆందోళనలో చాలా చురుకుగా పాల్గొన్నారు. ఈ సమయములోనే వారికి ఆర్ఎస్ఎస్ తో పరిచయం ఏర్పడింది. అప్పటి నుంచి వారి మీద సంఘ్ ప్రభావము ఏర్పడింది. 1966 లో తన ఉద్యోగానికి రాజీనామా ఇచ్చి, ప్రాంత ప్రచారక్ గా పూర్తిగా తన సేవలను సంఘ్ కు అర్పించారు. ఉత్తరప్రదేశ్ ప్రాంత ప్రచారక్ గా పని ప్రారంభించిన ఆయన 1980లో సర్ కార్యవాహ్ గా, ఆ తరువాత 1994 సంవత్సరంలో బాలసాహెబ్ దేవరస్ తరువాత రాష్ట్రీయ స్వయంసేవక్ సంఘానికి 4వ సర్ సంఘచాలక్ గా బాధ్యతలు నిర్వహించారు.

ఉత్తరప్రదేశ్ రాష్ట్రంలో లాల్ బహదూర్ శాస్త్రి మొదలైన వారితో కలిసి పనిచేసారు. మురళీమనోహర్ జోషి వారి శిష్యపరమాణువులలో ఒకరు.

వారు పనిచేసిన ఆ ఆరుసంవత్సరాలు కూడా సంఘ్ కి, దేశానికి ఎంతో కీలకమైన సమయము.

రజ్జూభయ్యాకు అందరు రాజకీయ నాయకులతో చక్కటి అనుబంధం, చనువు ఉండేది. వారివారి ఆలోచనలు, సిద్ధాంతాలతో ప్రమేయము లేకుండా అన్నివర్గాల వారితో మమేకమైపోయేవారు.

ఫిబ్రవరి 2000 సంవత్సరంలో ఆరోగ్యం సహకరించక ఆయన సర్ సంఘచాలక్ బాధ్యత నుంచి తప్పుకున్నారు. తన తరువాత సుదర్శన్ జీని సర్ సంఘచాలక్ గా ప్రతిపాదించారు.

ఎమెర్జెన్సీ సమయంలో వారు భారతదేశ పర్యటన చేపట్టారు. 1976లో డిల్లీలో మానవహక్కుల సమ్మేళనం నిర్వహించడంలో కీలకపాత్ర పోషించారు. ఫ్రెండ్స్ ఆఫ్ ఇండియా ఇంటర్నేషనల్ అనే సంస్థ మొదలుపెట్టడంలో కూడా వారు కీలకపాత్ర పోషించారు.

“జన్మతహ మనుషులందరూ మంచివారే. వారితో మాట్లాడేటప్పుడు వారిలోని మంచిగుణాల మీద నమ్మకంతో మాట్లాడాలి. కోపము, అసూయ అనేవన్నీ కూడా వారి పూర్వ అనుభవాల ప్రతిక్రియ. వీటి ప్రభావము మనిషి నడవడిక మీద పడుతుంది. మౌలికంగా ప్రతీ మనిషీ మంచివాడు, విశ్వసించదగినవాడు” అని రజ్జుభయ్యా భావించేవారు. స్వదేశీ మరియు గ్రామీణజీవనాన్ని ఆర్ధికంగా బలోపేతం చేయడంలో ఎంతో విశ్వాసం కలిగి ఉండేవారు.

1995లో గ్రామీణాభివృధి మీద దృష్టి కేంద్రీకరించి, గ్రామాలను ఆకలిరహిత, రోగరహిత గ్రామాలుగా తీర్చిదిద్దాలని తీర్మానం చేసారు. ఇవ్వాళ 100 కి పైగా గ్రామాలలో స్వయంసేవకులు చేసిన పనిని చూసి చుట్టుప్రక్కల ఉన్న గ్రామాలలోని ప్రజలు ఉత్సాహం పొంది స్వయంసేవకులు చేసిన ప్రయోగాలని వారు అనుసరిస్తున్నారు.

1995 లో రజ్జూభయ్యా విజయదశమి ఉత్సవ సందర్భంగా నాగపూర్ లో జరిగిన కార్యక్రమంలో లాల్ బహదూర్ శాస్త్రి, గాంధీని గుర్తుచేసుకున్నారు. ఆ ఇద్దరు మహాపురుషుల కలలను సాకారం చేయడంలో కేంద్ర ప్రభుత్వం తగిన చిత్తశుద్ధి చూపడం లేదని అన్నారు.రాంప్రసాద్ బిస్మిల్ పేరు మీద ఒక స్మారకచిహ్నాన్ని డిల్లీలో ఏర్పాటు చేయలని రజ్జ్యుభయ్యా అనుకున్నారు.

14 జులై 2003 తేదీన పూనేలోని కౌశిక్ ఆశ్రమంలో రజ్జూ భయ్యా తుదిశ్వాస విడిచారు.